චම්පිකගේ අභියාචනය ශ්‍රේෂ්ඨාධිකරණය නිෂ්ප්‍රභ කරයි..!

(ලංකා ඊ නිව්ස් -2025.මැයි.08, ප.ව.10.20) පාඨලී චම්පික රණවක අතුළු විත්තිකරුවන් තිදෙනෙකුට එරෙහිව නීතිපතිවරයා විසින් ගොනු කර තිබෙන අධි චෝදනා පත්‍රය බල රහිත කිරීමේ නියෝගයක් නිකුත් කරන ලෙස ඉල්ලා හිටපු අමාත්‍ය පාඨලී චම්පික රණවක විසින් ඉදිරිපත් කර තිබූ අභියාචනය නිෂ්ප්‍රභ කිරීමට ශ්‍රේෂ්ඨාධිකරණය තීන්දු කර තිබේ.

2016 වසරේ රාජගිරිය ප්‍රදේශයේ සිදුකළ රිය අනතුරක් පිළිබඳව සාක්ෂි වසන් කිරීම ඇතුළු චෝදනා කිහිපයක් යටතේ නීතිපතිවරයා විසින් අධි චෝදනා පත්‍රය ගොනු කර තිබුණි.

විත්තිකරුවන්ට එරෙහිව ගොනුකර තිබෙන අධි චෝදනා පත්‍රය විභාගයට ගන්නා ලෙසද ශ්‍රේෂ්ඨාධිකරණය විසින් කොළඹ මහාධිකරණයට නියම කර ඇත.

පසුගිය වසරේ මැයි මාසයේ 16 දා මෙම පෙත්සම් විභාගය අවසන් වූ අතර තීන්දුව ප්‍රකාශ කිරීම එදින කල් තැබිණ. අද නිකුත් කෙළේ එම තීන්දුවයි. අගවිනිසුරු මුර්දු ප්‍රනාන්දු, ගාමිණී අමරසේකර යන විනිසුරුවරුන්ගේ එකඟත්වය ඇතිව ශ්‍රේෂ්ඨාධිකරණ විනිසුරු යසන්ත කෝදාගොඩ විසින් මෙම තීන්දුව ප්‍රකාශයට පත්කර තිබේ.

---------------------------
by     (2025-05-08 17:11:30)

Read 12402 Times

Leave a Reply

  0 discussion on this news