(ලංකා ඊ නිව්ස් -2015.ජූලි.20, ප.ව.6.20) සංචාරක පාකිස්තානු පිල සහ ශ්රී ලංකා පිල අතර ඊයේ රාත්රී ආර් ප්රේමදාස ක්රීඩාංගනයේ පැවැති තෙවැනි එක්දින ක්රිකට් තරඟයේදී ජාතිවාදී ලෙස උමතුවෙන් හැසිරෙමින් නීච ලෙස හැසිරුණු ප්රේක්ෂකයන් සාමාන්ය ක්රිකට් ප්රේක්ෂකයන් නොවූ බවත් ඔවුන් විමල් වීරවංශ - මුසම්මිල් - අනුර ප්රියදර්ශන යාපා තිදෙනා විසින් කුමන්ත්රණය කර ජාතිවාදී ගැටුමක් ඇවිලීම සඳහා එවන ලද සුළු පිරිසක් බවත් ලංකා ඊ නිව්ස් අභ්යන්තර තොරතුරු සේවය වෙත වාර්තා වී තිබේ.
ලංකාවේ ක්රිකට් ප්රේක්ෂකයන් වෙනත් රටවල මෙන් තරඟ පැවැත්වීමට ඉඩ නොදී කඩාකප්පල් කරන ජාතිවාදී උන්මත්තක ප්රේක්ෂකයන් පිරිසක් නොවන අතර මෙවැනි අපකීර්තිමත් සිදුවීමක් ඊයේ දිනයේ සිදුවූයේ ලංකාවේ ප්රථම වතාවට ය.
මෙවර මැතිවරණයෙන් පරාජය වීම ඉර හඳ සේ නිසැක බව දන්නා එජනිස නායකයන් කෙසේ හෝ ජාතිවාදී ගැටුමක් අවුලුවා ආණ්ඩුවට පක්ෂපාතී සුළු ජන කොටස් බිඳවීමට දන්නා දහන් ගැට සියල්ල යොදන බව රාජ්ය බුද්ධි සේවය මීට පෙර ආණ්ඩුවට අණතුරු අඟවා තිබිණ.
අනුරාධපුර එජනිස සමාරම්භක රැස්වීමට පසුදා එනම් 18 දා රාත්රී විමල් වීරවංශ ගේ නිවසේ ඉහත කී කුමන්ත්රණය සැලසුම් කර තිබේ. මෙම කුමන්ත්රණ සාකච්ඡාවට විමල් වීරවංශ, ඔහුගේ පක්ෂයේ ප්රචාරක සගයා වන මුසම්මිල්, මුසම්මිල් විවාහ වී සිටින්නේ වත්තේගම ප්රදේශයේ සිංහල කාන්තාවක් වන අතර එකී කාන්තාවගේ සොහොයුරෙක්, අනුර ප්රියදර්ශන යාපා, ආදීහු සහභාගී වූහ. බන්ධුල ගුණවර්ධන පැමිණීමට නියමිතව සිටියද ඔහු නොපැමිණි අතර , දිනේෂ් ගුණවර්ධනද සහභාගී වන බව පැවසුවද සහභාගී නොවුනු නමුත් ඔහු වෙනුවෙන් ඔහුගේ හෙංචයියෙක් සහභාගී කරවීය.
මෙහිදී සාකච්ඡා කෙරුණේ මෙම මැතිවරණය පරාජය වන බවත් එනිසා ජාතිවාදී ගැටුමක් කෙසේ හෝ ඉදිරි සති දෙක තුල කොතැනින් හෝ ඇවිලවිය යුතු බවයි. ඒ අනුව පාකිස්ථානු-ශ්රී ලංකා ක්රිකට් තරඟය ඉලක්ක කෙරිණ. ලංකාවේ කොළඹ පවත්වන ඕනෑම පාකිස්ථානු - ශ්රී ලංකා ක්රිකට් තරඟයකදී මුස්ලිම් තරුණයන්ගෙන් කොටසක් පාකිස්ථානයට හුරේ දැමීම සාමාන්ය සිද්ධියක් නිසා මෙම අවස්ථාව දඩ මීමා කර ගැනීමට ප්රේක්ෂකයන් ලෙස තමන්ගේ ජාතිවාදී පිරිස් යවා ගැටුමක් ඇවිලවීම බාර ගෙන ඇත්තේ වීරවංශ සහ මුසම්මිල් ය.
සිංහල ප්රේක්ෂකයන් අතරටත් මුස්ලිම් ප්රේක්ෂකයන් අතරටත් දෙපාර්ශවයෙන්ම අන්තවාදී කුමන්ත්රණ කරුවන් රිංගවීම වීරවංශ-මුසම්මිල් දෙදෙනා බාර ගෙන තිබේ.
ඊයේ රාත්රී ඉහත කී අවසානාවන්ත සිදුවීම වූයේ එකී කුමන්ත්රණය අනුවය. මොවුන්ගේ මෙම කුමන්ත්රණය ගැන රාජ්ය බුද්ධි අංශයට තොරතුරු හෙලිවීම නිසා සිවිල් ඇඳුමින් සැරසුනු බුද්ධි අංශ නිලධාරීන් ප්රේක්ෂකයන් ලෙස තරඟය නැරඹීමට යැවීම හේතුවෙන් ගැටුම දුරදිග යෑම වලක්වා ගත හැකි වූ බවද ලංකා ඊ නිව්ස් අභ්යන්තර තොරතුරු සේවය වෙත වාර්තා වේ.
ගැටුමට සම්බන්ධ වූ සිව් දෙනෙකු ඊයේ අත් අඩංගුවට ගෙන තිබිණ.
රාජපක්ෂවාදී ජාතිවාදී නරුම දේශපාලකයන්ගේ අන්තවාදී උගුල් වල නොවැටෙන ලෙස සිංහල මුස්ලිම් දෙමළ සියළු ජනතාවට ලංකා ඊ නිව්ස් අභ්යන්තර තොරතුරු සේවය අවවාද කරයි.
(සේයාරුවේ දැක්වෙන්නේ එස්ටීඑෆ් ආරක්ෂාව මත පාකිස්ථානු ක්රීඩකයෙක් ක්රීඩාගාරයට යන අන්දමයි -අනුග්රහය ඒඑෆ්පී)
---------------------------
by (2015-07-20 12:55:32)
Read 208716 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්ය අජිත් අමරසිංහ ලිපි