(ලංකා ඊ නිව්ස් -2023.සැප්.22, ප.ව.8.15) බ්රිතාන්ය චැනල් 4 විසින් සැප්තැම්බර් 5 වැනි දින විකාශය කරන ලද “Sri Lanka’s Easter Bombings” වාර්තා චිත්රපටය ශ්රී ලංකාව තුළ සැලකිය යුතු උනන්දුවක් ඇති කර තිබේ. විවිධ ලිපි සහ කතුවැකි ලියා ඇති අතර, වාර්තා චිත්රපටය ජාත්යන්තර ස්වාධීන පරීක්ෂණයකට යම් සහයෝගයක් ජනනය කරද්දී, කටකතා සහ අසත්ය ප්රවෘත්ති රාශියක් පළ කර මගේ බිරිඳට සහ දරුවන්ට පවා මඩ ගසා ඔවුන්ගේ පින්තූර සමාජ මාධ්යවල පළ කර ඇත. . එබැවින් පහත ප්රකාශය කිරීමට මා කැමතිය.
2006 සිට 2022 පෙබරවාරි දක්වා මම මීට පෙර සිටි පාර්ලිමේන්තු මන්ත්රී, ග්රාමීය මාර්ග සංවර්ධන රාජ්ය අමාත්ය, නැගෙනහිර පළාත් හිටපු ප්රධාන අමාත්ය සහ තමිල් මක්කල් විදුතලෙයි පුලිකල් (TMVP) දේශපාලන පක්ෂයේ නායක ශිවනේසතුරෙයි චන්ද්රකාන්තන් හෙවත් පිල්ලෙයාන් ළඟ සේවය කර ඇත. සටන්කාමී කණ්ඩායමක් විය. මම ටීඑම්වීපීයේ ප්රචාරක ලේකම් වගේම ප්රකාශකයා වුණා. මම සටන්කාමියෙක් නොවීය. ඇත්තටම මම කවදාවත් ආයුධ පාවිච්චි කරන්න පුරුදු වෙලා නැහැ. මගේ ස්ථාවරය නිසා පාස්කු ඉරිදා මරාගෙන මැරෙන ප්රහාරයන් මෙන්ම මහින්ද රාජපක්ෂ මහතාගේ රජය සමයේ සිදුවූ දේශපාලන ඝාතන රැසකට අදාළ වැදගත් සහ රහසිගත තොරතුරු වෙත ප්රවේශ විය.
2019 අප්රේල් 21 පාස්කු ඉරිදා ත්රස්ත ප්රහාරයකින් ළමුන් 45 ක්, විදේශිකයන් 40 ක් ඇතුළු පුද්ගලයින් 269 ක් මිය ගිය අතර තවත් 500 කට වැඩි පිරිසක් තුවාල ලැබූහ. ප්රහාරයෙන් පසු මරාගෙන මැරෙන බෝම්බකරුවන් කවුරුන්ද යන්න මාධ්ය මගින් හෙළිදරව් කළ විටයි මට වැටහුණේ මහ මොළකරුවන් සහ අනෙකුත් අපරාධකරුවන් පිළිබඳවත් මෙම ත්රස්ත ප්රහාරයට පෙළඹවීම පිළිබඳවත් මා සතුව ප්රබල සාක්ෂි තිබෙන බව.
2015 වසරේ මහින්ද රාජපක්ෂ ආණ්ඩුව පරාජය වීමත් සමඟ 2005 නත්තල් දිනය දා මඩකලපුව ශාන්ත මරියා ආසන දෙව්මැදුරේදී වෙඩි තබා ඝාතනය කළ දෙමළ ජාතික සන්ධානයේ හිටපු පාර්ලිමේන්තු මන්ත්රී ජෝශප් පරරාජසිංහම් ඝාතනය සම්බන්ධයෙන් පිල්ලෙයාන් ත්රස්තවාදය වැළැක්වීමේ පනත යටතේ අත්අඩංගුවට ගෙන මඩකලපුව බන්ධනාගාරයේ සිරකර තබනු ලැබුවා. පිල්ලෙයාන්ගේ ලේකම්වරයකු වශයෙන් ඔහුගේ නීතිඥයන් සමඟ පිල්ලෙයාන් හමුවීමට නීතිමය කටයුතු සාකච්ඡා කිරීමට අධිකරණය මට අවසර ලබා දී තිබිණි. 2017 සැප්තැම්බරයේ සංචාරයකදී පිල්ලෙයාන් මට කීවේ ඔහු සමඟ කාත්තන්කුඩියේ සිටි මුස්ලිම් සිරකරුවන් කිහිප දෙනෙකු එම සිර මැදිරියේ සිටි බවයි. කාත්තන්කුඩි ප්රදේශයේදී අන්තවාදී ක්රියාකාරකම් සහ තවත් මුස්ලිම් කණ්ඩායමකට පහරදීම සම්බන්ධයෙන් පියෙකු, ඔහුගේ පුත්රයා සහ තවත් හය දෙනෙකු රක්ෂිත බන්ධනාගාර ගත කර තිබුණා. ඔවුන් ජාතික තව්හිද් ජමාත් (NTJ) නම් සංවිධානයකට අයත් අයයි. පිල්ලෙයාන්ගේ ඉල්ලීම මත මට එහිදී 'සයිනි මවුලවි' හමුවුණා. පසුව පිල්ලෙයාන් මගෙන් ඉල්ලා සිටියේ මෙම සිරකරුවන්ගේ ඥාතීන්ට ඇප ගෙවීමට අවශ්ය මුදල් සම්පාදනය කිරීමට හමුදා බුද්ධි අංශය (MI) සම්බන්ධ කර ගන්නා ලෙසයි. ඔවුන් 2017 ඔක්තෝබර් 24 වන දින නිදහස් කරනු ලැබුවා.
2018 ජනවාරි අගදී පිල්ලෙයාන් මට කිව්වා එවකට බ්රිගේඩියර්වරයකුව සිටි සුරේෂ් සලේ සහ සයිනි මවුලවිගේ කණ්ඩායම අතර රහසිගත හමුවක් සංවිධානය කරන්න කියලා. පිල්ලෙයාන් කීවේ සුරේෂ් සලේ රැස්වීම පැවැත්වෙන ස්ථානය හා වේලාව පිළිබඳව මා දැනුවත් කරන බවයි. දින කිහිපයකට පසු සුරේෂ් සලේ මා අමතා සයිනි මවුලවිට පුත්තලම වනාතවිල්ලු ප්රදේශයට පැමිණෙන ලෙස ඉල්ලා සිටියා. පහුවදා මම MI නිලධාරියෙක් එක්ක කොළඹ ඉඳන් පුත්තලමට ගියා, සයිනි මවුලවිගෙ කට්ටිය කුරුණෑගල ඉඳන් ආවා. මෙම රැස්වීම සඳහා මගේම වාහනයක් හෝ රියදුරෙකු භාවිතා නොකරන ලෙස පිල්ලෙයාන් අපට උපදෙස් දුන් අතර ප්රවාහන පහසුකම් MI එක සැපයුවා. මෙම රැස්වීම 2018 පෙබරවාරි මස මුලදී පුත්තලමෙන් පිටත පිහිටි අක්කර 50 ත් 60 ත් අතර විශාල පොල් ඉඩමක් සහිත ගොවිපලකදී සිදු වුනා. සුරේෂ් සලේ පැමිණියේ අළු පාට Toyota මෝටර් රථයකින් රියදුරෙකු සමග. සයිනි මවුලවි විනාඩි 30 කට පසු සුදු වෑන් රථයකින් හය දෙනෙකුගෙන් යුත් කණ්ඩායමක් සමඟ පැමිණියා. සයිනි මවුලවි එහිදී තම වැඩිමහල් සොහොයුරා වන මවුලවි සහරාන් කණ්ඩායමේ නායකයා ලෙස හඳුන්වා දුන්නා.
රැස්වීම පැය දෙකකට වැඩි කාලයක් පැවැත්විණා. මම රැස්වීමට සහභාගි නොවී එළියේ බලාගෙන හිටියා. රැස්වීමෙන් පසු මඩකලපුවට ගිය මම පසුදා රැස්වීම ගැන පිල්ලෙයාන්ව යාවත්කාලීන කළා. පිල්ලෙයාන් පැවසුවේ සුරේෂ් සලේට අපි එනම් ටීඑම්වීපී සමග තිබෙනවා සේම සහරාන්ගේ කණ්ඩායම සමඟ ද විශාල සැලසුමක් සහ ගනුදෙනුවක් තිබෙන බවයි. මේ හමුව පිළිබඳ තොරතුරු රහසක් ලෙස තබා ගන්නා ලෙසත් ඔවුන් යම් උපකාරයක් ඉල්ලා සිටියහොත් සහාය වන ලෙසත් ඔහු මට කීවේය. 2017 සැප්තැම්බර් මාසයේදී සයිනි මවුලවි සිරගෙදරදී හමුවීමට අමතරව මට සහරාන් සහ ඔහුගේ කණ්ඩායම මුණගැසුණේ 2018 පෙබරවාරි මාසයේදී සුරේෂ් සලේ සමඟ පැවති හමුවේදී එක් වරක් පමණි. මේ හැර මට ඔවුන් සමඟ කිසිදු සම්බන්ධයක් හෝ ගණුදෙනුවක් තිබුණේ නෑ. ත්රස්ත ප්රහාරය වනතුරු ඔවුන්ගේ ත්රස්තවාදී අරමුණ හෝ සැලැස්ම ගැන මා දැන සිටියේ නෑ.
2019 අප්රේල් 21 පාස්කු ඉරිදා, සුරේෂ් සලේ උදේ 7 ට පමණ මා අමතා වහාම කොළඹ ටාජ් සමුද්රා හෝටලයට ගොස් එහි රැඳී සිටි අයෙකු රැගෙන එම පුද්ගලයාගේ දුරකථනය ලබා ගන්නැයි මට කීවා. මම ඔහුට කිව්වා මම දැනට ඉන්නේ කොළඹ නෙවෙයි මඩකලපුවේ කියලා. මෙම සංවාදයෙන් පැයකට පමණ පසු රට පුරා එකවර ත්රස්තවාදී ප්රහාර එල්ල වුනා.
ප්රහාරයත් සමඟම පිල්ලෙයාන් බන්ධනාගාර නියාමකවරයකු මාර්ගයෙන් පණිවිඩයක් එවා ඔහුව ඉක්මනින් හමුවන ලෙස මගෙන් ඉල්ලා සිටියා. පාස්කු ඉරිදා උදේ 11 ට පමණ මම ඔහු සිරගෙදර දී හමුවුනා. ඔහු මට කීවේ පාස්කු ප්රහාරයේ මහ මොළකරු සුරේෂ් සලේ බවත් මෙවැනි ප්රහාරයක් සිදුවේ යැයි ඔහු උපකල්පනය කළ බවත්ය. ඔහු මගෙන් සයිනි මවුලවිට කතා කරන ලෙස ඉල්ලා සිටියා, නමුත් සයිනි මවුලවිගෙන් ප්රතිචාරයක් ලැබුනේ නෑ. පිල්ලෙයාන්ගේ ඉල්ලීම මත මා සංවිධානය කළ රැස්වීමට සහභාගි වූවන් පාස්කු ප්රහාරයට සම්බන්ධ මරාගෙන මැරෙන බෝම්බකරුවන් බව මට වැටහුණේ සවස් වරුවේ මාධ්ය වාර්තා නිසා ය. ටාජ් සමුද්රා හෝටලයට මරාගෙන මැරෙන ප්රහාරයක් එල්ල කිරීමට බාරව සිටි බෝම්බකරු වන ජමීල් යනු සුරේෂ් සලේ මට හමුවෙන්නැයි කී පුද්ගලයා බව ජනාධිපති විමර්ශන කොමිසමෙන් සහ රහස් පොලිසියේ විමර්ශනවලින්ද මට පසුව දැනගන්නට ලැබුණා. කෙසේ වෙතත් ජමීල් අවසාන මොහොතේ සැලසුම් වෙනස් කර, ටාජ් එකෙන් පිටව ගොස් පසුව දෙහිවල කුඩා හෝටලයක් තුළ පුපුරුවාගෙන තිබුනා.
පිල්ලෙයාන් සහ ටීඑම්වීපී පසුගිය ජනාධිපතිවරණයේ දී ගෝඨාභය රාජපක්ෂ මහතාට සහයෝගය ලබා දුන්නා. ගෝඨාභය රාජපක්ෂ ජනාධිපති වීමෙන් පසු, සුරේෂ් සලේ නැවත ශ්රී ලංකාවට පැමිණ මේජර් ජෙනරාල් ලෙස උසස්වීම් ලබා රාජ්ය බුද්ධි සේවයේ (SIS) අධ්යක්ෂ ලෙස පත් කරන ලද අතර එය ඔහු දිගටම කරගෙන යනවා. ඒ අතරේ පොරොන්දු වූ පරිදි පිල්ලෙයාන් නිදහස් කිරීමට රජය ඉක්මන් ක්රියාමාර්ගයක් ගත්තේ නෑ. ඒ ඔහුට එරෙහිව තීරණාත්මක සාක්ෂි තිබෙන බැවින් ඔහුට එරෙහි චෝදනා පත්රය ඉල්ලා අස්කර ගැනීම හිටපු නීතිපතිවරයා ප්රතික්ෂේප කළ නිසායි. පිල්ලෙයාන් සිරගතව සිටිය දී ම 2020 අගෝස්තු 5 වන දින පැවති මහ මැතිවරණයේදී ඔහු පාර්ලිමේන්තු මන්ත්රීවරයෙකු ලෙස තේරී පත් වුනා. මැතිවරණයෙන් පසු පිල්ලෙයාන් මටත් ඔහුගේ සහෝදරයාටත් සුරේෂ් සලේ හමුවන්නැයි කීවා. ගෝඨාභය රාජපක්ෂ සහ වත්මන් ආණ්ඩුව බලයට පත් වූ ආකාරය අමතක නොකරන ලෙසත් පිල්ලෙයාන් නිදහස් නොකළහොත් විශාල වන්දියක් ගෙවීමට සිදුවන බවට අනතුරු අඟවන ලෙසත් සලේට කියන්නැයි කීවා. දින කිහිපයකට පසු නව නීතිපතිවරයා පිල්ලෙයාන්ට එරෙහිව මඩකලපුව මහාධිකරණයේ තිබූ නඩුව ඉල්ලා අස්කර ගත්තා.
පාස්කු ඉරිදා ප්රහාරයේ සංවිධායකයින් පිළිබඳ මගේ දැනුමට අමතරව, 2005 සිට 2015 දක්වා කාලය තුළ සිදු වූ බොහෝ දේශපාලන ඝාතන සහ පැහැරගැනීම් පිළිබඳ සවිස්තරාත්මක තොරතුරු මා සතුව ඇත. මෙම ඝාතනවලින් විශාල ප්රමාණයක් සිදු කෙළේ ශ්රී ලංකා යුද හමුදාවේ බුද්ධි අංශයට සම්බන්ධ 'ට්රිපොලි ප්ලැටූන්' නම් රහසිගතව ක්රියාත්මක කරන ලද ඝාතන කණ්ඩායම විසින්. මෙම ඒකකය මුලින් මේජර් ප්රභාත් බුලත්වත්ත විසින් ද පසුව කර්නල් ෂම්මි කුමාරරත්න විසින් ද මෙහෙයවනු ලැබුවා. එය එවකට MI හි අධ්යක්ෂ ලෙස කටයුතු කර පසුව යුද හමුදා මාණ්ඩලික ප්රධානියා ලෙස පත් කරන ලද මේජර් ජෙනරාල් අමල් කරුණාසේනගේ සෘජු අණ යටතේ පැවතුනා. මෙම සේනාංකය ගෝඨාභය රාජපක්ෂ වෙත සෘජුවම වාර්තා කළ අතර ඔහු ආරක්ෂක ලේකම්වරයාව සිටියදී නියෝග ලබා ගත්තේ ඔහුගෙන් පමණයි. මාධ්යවේදීන්ගේ ඝාතන සහ අතුරුදහන් කිරීම් ඇතුළු යුද්ධය පැවති සමයේ සහ යුද්ධයෙන් පසුව සිදුවූ ප්රධාන දේශපාලන ඝාතන රැසකට මෙම ඛණ්ඩය සහ ටී.එම්.වී.පී. විශේෂයෙන්ම හිටපු පාර්ලිමේන්තු මන්ත්රීවරුන් වන ජෝසප් පරරාජසිංහම් සහ නඩරාජා රවිරාජ් ඝාතනය, ලසන්ත වික්රමතුංග, සිවරාම් සහ නඩේසන් යන මාධ්යවේදීන්ගේ ඝාතන මෙන්ම නැගෙනහිර විශ්වවිද්යාලයේ උපකුලපති මහාචාර්ය සිවසුබ්රමනියම් රවීන්ද්රනාත් සහ කාටූන් ශිල්පී ප්රගීත් එක්නැලිගොඩගේ අතුරුදන්වීම් සම්බන්ධයෙන්ද ඔවුන් විශේෂයෙන් වගකිව යුතුයි. MI සහ TMVP එකමුතුවෙන් කරන ලද තවත් බොහෝ මානව හිමිකම් කඩකිරීම් පිළිබඳ තොරතුරු ද මා සතුව ඇත. ඔවුන් කරන දේට මම එකඟ නොවුණත්, මගේ ජීවිතය ගැන තිබූ බිය නිසා මට ඔවුන්ගෙන් ඈත් වීමට නොහැකි වුනා. ශ්රී ලංකා බලධාරීන් මා පැහැරගෙන ගොස් සිරගත කරනු ඇතැයි හෝ මරා දමනු ඇතැයි අද වනතුරු මම බියෙන් පසුවෙනවා. මගේ බිය තවත් වැඩි කරමින්, චැනල් ෆෝ වාර්තා චිත්රපටය විකාශය වූ විගස පොලිසිය මගේ මව සහ මගේ සහෝදරිය බැලීමට ගිය අතර, නාඳුනන පුද්ගලයන් දෙදෙනෙක් මගේ දුරකථන අංකය සහ මගේ ලිපිනය සොයා ගැනීමට උත්සාහ කරමින් මගේ සහෝදරියගේ පුතා පරීක්ෂා කර තිබෙනවා.
පාස්කු ඉරිදා බෝම්බ ප්රහාරය සම්බන්ධයෙන් විමර්ශනය කිරීමට පත් කළ ජනාධිපති කොමිසම සහ පාර්ලිමේන්තු තේරීම් කාරක සභාව මෙම ඛේදවාචකයේ මහ මොළකරු සහ අපරාධකරුවන් පිළිබඳ සත්ය හෙළි කිරීමට අපොහොසත් වුනා. අපරාධ පරීක්ෂණ දෙපාර්තමේන්තුවේ (CID) හිටපු අධ්යක්ෂ ශානි අබේසේකර විසින් 2022 පෙබරවාරි 18 වැනි දින ශ්රේෂ්ඨාධිකරණයට ගොනු කළ මූලික අයිතිවාසිකම් පෙත්සමේ සඳහන් පරිදි ඔහු ප්රමුඛ විමර්ශන කණ්ඩායම විසින් ප්රහාරකයින් සහ හමුදාව අතර සබඳතා පිළිබඳ වැදගත් සාක්ෂි අනාවරණය කර ගෙන ඇත. නමුත් ඔවුන්ගේ පරීක්ෂණ දිගටම කරගෙන යාම හමුදාව විසින් වැළැක්වුවා.
මගේ දැනුම අනුව ශ්රී ලංකා රජයේ ඔත්තු සේවයෙන් මට දැඩි තර්ජන එල්ල වී තිබෙනවා. මම මගේ ජීවිතය බේරාගන්න දේශපාලන රැකවරණ පතා යුරෝපයට ගියා. ශ්රී ලංකාවේ ත්රස්තවාදී ප්රහාර, දේශපාලන ඝාතන සහ පැහැරගැනීම් කිහිපයක් සැලසුම් කිරීම පිළිබඳ සාක්ෂිකරුවෙකු ලෙස, මෙම අපරාධ පිළිබඳ පරීක්ෂණවලදී සාක්ෂි දීමට මම කැමැත්තෙමි. කෙසේ වෙතත්, සත්යය හෙළි කිරීමට ශ්රී ලංකාවේ බලධාරීන්ට අවශ්යතාවක් ඇතැයි මම විශ්වාස නොකරමි. ඒ නිසා මම සාක්ෂි දරන්නේ ජාත්යන්තර ස්වාධීන පරීක්ෂණයක් ඉදිරියේ පමණි.
2023 සැප්තැම්බර් 20
(පරිවර්තනය ලංකා ඊ නිව්ස්)
---------------------------
by (2023-09-22 14:57:19)
Read 22992 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්ය අජිත් අමරසිංහ ලිපි