(ලංකා ඊ නිව්ස් -2019.පෙබ.08, ප.ව.7.30) රටේ ආණ්ඩුක්‍රම ව්‍යවස්ථාව කඩා නමුත් නිරුපද්‍රිතව ජනාධිපතිකම් කරන මෛත්‍රීපාල සිරිසේන තවදුරටත් සිය නීති විරෝධී ක්‍රියා කරමින් ජනාධිපතිවරයෙකුට නැති බලතල ලබා ගැනීමේ දීන පාදඩ වෑයමක යෙදී සිටින නමුත් ව්‍යවස්ථා සභාව විසින් ඒ වෑයම ගෞරවනීය ලෙස බිඳ දමා තිබේ.
පාදඩ ජනාධිපතිවරයා විසින් ව්‍යවස්ථා සභාව ප්‍රතික්ෂේප කළ දීපාලි විජේසුන්දර විනිසෙර තෙවැනි වරටත් අභියාචනාධිකරණ සභාපති ධූරයට නම් කර එවා තිබූ අතර බන්ධුල කරුණාරත්න නමැති විනිසොරා තෙවැනි වරටත් අභියාචනාධිකරණයට නම් කර එවා තිබිණ. ඊයේ රැස්වූ ව්‍යවස්ථා සභාව ඒකමතික තීන්දුවක් ගනිමින් තුන්වෙනි වරටත් ඉහත කී නුසුදුසු විනිසොරුන්ගේ නම් ප්‍රතික්ෂේප කර යවා තිබිණ. දිගින් දිගටම දීපාලිගේ නම ව්‍යවස්ථා සභාව ප්‍රතික්ෂේප කරද්දී පාදඩ ජනාධිපතිවරයා කරන්නේ ඇයව වැඩ බලන අභියාචනාධිකරණ සභාපති ලෙස නම් කිරීමයි. පසුගියදා ඇයව යලි සති දෙකකට වැඩ බැලීමට නම් කළේය. ලංකා ඊ නිව්ස් මීට ඉහත දී ද දක්වා ඇති පරිදි අභියාචනාධිකරණයේ සභාපතිධූරයටත් ශ්‍රේෂ්ඨාධිකරණයේ අගවිනිසුරු ධූරයටත් පමණක් වැඩ බැලීමට අයෙකු පත් කළ හැක්කේ ඒ ධූරයේ නිල වශයෙන් පුද්ගලයෙකු කටයුතු කරන්නේ නම් පමණි. ධූරයන් හිස්ව තිබෙන විට වැඩබැලීමට අයෙකු නම් කළ නොහැකිය. මෙය නීති විරෝධී බව දැන දැනම පාදඩ ජනාධිපති සිරිසේන ඒ නීති විරෝධී ක්‍රියාව දිගින් දිගටම සිදුකරමින් තිබේ.
ඔහු මෙසේ කරන්නේ අද ශ්‍රේෂ්ඨාධිකරණය තමාට නම්මා ගත නොහැකි නමුත් කෙසේ හෝ අභියාචනාධිකරණය නම්මා ගැනීමට ය. මන්ද යත් පසුගිය වනචර දශකයේ දූෂන අපරාධ පිලිබඳ විශේෂ මහාධිකරණ වල විභාග වන නඩු වල තීන්දු අභියාචනාධිකරණයේ දී ඉවතට විසිකරවා ගැනීමට ය.
දීපාලි විජේසුන්දර යනු තම දියණියගේ විවාහ මංගල්‍යයට එවක ජනාධිපති මහින්ද රාජපක්ෂට ආරාධනා කරන ලද අතර ඔහුගෙන් අලුත්ම බෙන්ස් කාරයක් තෑගි වශයෙන් ලද විනිසෙරකි. බන්ධූල කරුණාරත්න යනු අල්ලසට නඩු තීන්දු දුන් අයෙකු බැවින් අගවිනිසුරුතුමන්ලා දෙදෙනෙකු විසින්ම ඔහුට උසස්වීම් ලබා නොදිය යුතු යැයි නිර්දේශ කරන ලද අයෙක් ය. පාදඩ ජනාධිපති සිරිසේනට කෙසේ හෝ අභියාචනාධිකරණයට රිංගවා ගැනීමට අවශ්‍ය වී ඇත්තේ මෙවැනි විනි-සොරුන් ය.
ඔහු තම පාදඩ අරමුණු සාක්ෂාත් කරගැනීම අරභයා ව්‍යවස්ථා සභාව බිය කර ගැනීමට පෙරේදා (06) සවස අගමැතිවරයාත් කතානායකතුමාත් පාර්ලිමේන්තුවේ නොමැති සවස 5 ට පමණ පාර්ලිමේන්තුවට කඩා වැදුණු සිරිසේන ජනාධිපතිවරයා අසත්‍ය කරුණු පදනම් කර ගත් ප්‍රකාශයක් කරමින් ව්‍යවස්ථා සභාවටත් මානව හිමිකම් කොමිසමටත් දෙහි කැපුවේ ය.
තමා විසින්ම පාර්ලිමේන්තුවට ගෙන ආ 19 වන සංශෝධනයෙන් අහිමි වූ ජනාධිපතිධූරයේ විධායක බලතල ගැන අද කම්පා වන පාදඩ ජනාධිපති සිරිසේන ව්‍යවස්ථා සභාවට අවලාද නැගුවේ ජ්‍යෙෂ්ඨත්වයෙන් වැඩිම විනිසුරුවරුන්ට තනතුරු ලබා නොදෙනවා කියා ය. ඔහු නොකියා කියන්නේ දීපාලි විජේසුන්දරට අභියාචනාධිකරණයේ සභාපති ධූරය ප්‍රතික්ෂේප කිරීම සහ බන්ධුල කරුණාරත්නට අභියාචනාධිකරණ විනිසුරු ධූරයක් නොදීම ය. ව්‍යවස්ථා සභාව පාර්ලිමේන්තුවේ සියළු පක්ෂ නියෝජනය වන ආයතනයක් මෙන්ම එහි ජනාධිපතිගේ නියෝජිතයෙකු ද වේ. ඔහු පවා ව්‍යවස්ථා සභාවේ දී දීපාලිගේ සභාපතිධූරය සහ බන්ධුලගේ ධූරය ප්‍රතික්ෂේප කර තිබේ.
ජනාධිපති නැගූ තවත් අවලාදයක් වූයේ තමන් එවන නම් ප්‍රතික්ෂේප කරන්නේ කුමන හේතු මතදැයි ව්‍යවස්ථා සභාව නොදන්වන බවයි. ව්‍යවස්ථා සභාව නියෝජනය කරන ජනාධිපතිගේ නියෝජිතයාගෙන් ඒ බව දැන ගැනීමට හැකියාව තිබියදී ඔහු පාර්ලිමේන්තුවට පැමිණ ගමේ අම්මන්ඩියක සේ අවලාද නැගීම ජුගුප්සාජනක ය.
කෙසේ වෙතත් ජනාධිපතිගේ පාදඩ ප්‍රකාශයට පසුදා නිසි පිළිතුරු ඉදිරිපත් කළ ව්‍යවස්ථා සභාවේ සභාපති කතානායක තුමා අපූරු ප්‍රකාශයක් කර තිබිණ. ඒනම් ජ්‍යෙෂ්ඨත්වය අනුව පමණක්ම විනිසුරුවරුන්ගේ ප්‍රමෝෂන් ලබා දෙනවා නම් ඊට ව්‍යවස්ථා සභාවක අනුමැතිය කුමකටද කියා ය.
ආණ්ඩුක්‍රම ව්‍යවස්ථා සභාවේ ක්‍රියාකාරකම් පිළිබඳ ප්‍රකාශය
ආණ්ඩුක්‍රම ව්‍යවස්ථා සභාවේ ක්‍රියාකාරකම් සම්බන්ධයෙන් මා විසින්, 2019 ජනවාරි මස 25 වැනි දින ද, මෙම ගරු සභාව ඉදිරියේ ප්‍රකාශයක් කරන ලදී.
එහිදී, මා ප්‍රකාශ කළ පරිදි ආණ්ඩුක්‍රම ව්‍යවස්ථා සභාව විසින් 41ආ ව්‍යවස්ථාවේ සඳහන් ස්වාධීන කොමිෂන් සභා සඳහා සාමාජිකයන් ලෙස පත් කිරීම සඳහා නාමයෝජනා ඉදිරිපත් කිරීමේදී සහ ආණ්ඩුක්‍රම ව්‍යවස්ථාවේ 41ඇ ව්‍යවස්ථාවේ සඳහන් තනතුරු සඳහා තැනැත්තන් පත් කිරිම සඳහා අතිගරු ජනාධිපතිතුමන් විසින් අප වෙත එවන නාමයෝජනා අනුමත කිරීමේදී අනුගමනය කළ මාරේගෝපදේශයන් ඇතුලත් වාර්තාවක් 2016.12.08 දින මා විසින් පාර්ලිමේන්තුවේ සභාගත කළ බව දන්වා සිටින ලදී. එයට වැඩිමනත් වශයෙන්, එකී මාර්ගෝපදේශයන් ඇතුලත් වාර්තාව ගරු මන්ත්‍රීවරුන්ගේ දැනගැනීම සඳහා හෙට දින නැවතත්, මෙම පාර්ලිමේන්තුවේ සභාගත කර ඇත.
එක් එක් තනතුරු සඳහා තැනැත්තන් පත් කිරීමේදී ඉහත මාර්ගෝපදේශයන් මෙන් ම එම තැනැත්තන්ගේ ජ්‍යෙෂ්ඨත්වය, අවංකත්වය, ස්වාධීනත්වය සහ අපක්ෂපාතීත්වය ද සභාව විසින් සලකා බලන බව සඳහන් කළ යුතුය.
එමෙන්ම, ආණ්ඩුක්‍රම ව්‍යවස්ථා සභාවෙහි සංයුතිය පිළිබඳ සඳහනක් කිරීමට මා අපේක්ෂා කරමි. සභාවේ සාමාජිකයන් ලෙස, ආණ්ඩු පක්ෂය නියෝජනය කරමින් අග්‍රාමාත්‍යවරයා ද, විරුද්ධ පාර්ශ්වය නියෝජනය කරමින් විපක්ෂ නායකවරයා ද නිල බලයෙන් පත් වේ. එක් පාර්ලිමේන්තු මන්ත්‍රීවරයෙක් ජනාධිපතිතුමන් විසින් පත් කරනු ලැබේ. තවත් පාර්ලිමේන්තු මන්ත්‍රීවරයන් දෙදෙනෙක් අග්‍රාමාත්‍යවරයා සහ විපක්ෂ නායකවරයාගේ එකඟතාවයෙන් පත් වන අතර, අනෙක් පාර්ලිමේන්තු මන්ත්‍රීවරයා සෙසු පක්ෂවල එකඟතාවයෙන් සභාවේ සාමාජිකයන් ලෙස පත්වේ. සිවිල් සමාජය නියෝජනය කරමින් සාමාජිකත්වයට තැනැත්තන් පත් වන්නේ පාර්ලිමේන්තුවේ අනුමැතිය ලැබීමෙන් පසුවයි. එනම්, එක්සත් ජාතික පක්ෂය නියෝජනය කරමින් මන්ත්‍රීවරයන් දෙදෙනෙක්ද, එක්සත් ජනතා නිදහස් සන්ධානය නියෝජනය කරමින් මන්ත්‍රීවරයන් තිදෙනෙක් ද, ජනතා විමුක්ති පෙරමුණ නියේාජනය කරමින් එක් මන්ත්‍රීවරයෙක් ද, සිවිල් සමාජ නියෝජිතයන් තිදෙනෙක් ද ආණ්ඩුක්‍රම ව්‍යවස්ථා සභාවේ සාමාජිකත්වය දරයි. එබැවින්, මා පෙර අවස්ථාවේද සඳහන් කළ පරිදි, පාර්ලිමේන්තුවේ සියළු පක්ෂවල අදහස් නියෝජනය වන ආකාරයෙන් එහි සංයුතිය සකස් වී ඇති බව මාගේ හැඟීමයි.
ඉහත සඳහන් කරුණුවලට අමතරව අතිගරු ජනාධිපතිතුමන් විසින්ද ගරු විනිශ්චයකාරවරුන්ගේ පත්වීම් සඳහා ව්‍යවස්ථාදායක සභාව විසින් අනුගමනය කළ ක්‍රමවේදය ගැන එතුමාගේ අදහස් ඊයේ පාර්ලිමේන්තුවේදී ප්‍රකාශ කළ හෙයින් එහි අඩංගු සමහර කරුණුද පැහැදිලි කිරීම ව්‍යවස්ථාදායක සභාවේ යුතුකමක් ලෙස සලකමි.
එය විශේෂයෙන්ම වැදගත් වන්නේ ඉතා භාරදූර හා අපක්ෂපාතී ක්‍රියාදාමයක් ඉටු කරන සිවිල් සමාජයේ නියෝජිතයන් තිදෙනා ව්‍යවස්ථාදායක සභාවේ අනෙකුත් ගරු සාමාජිකයන්ගේ ආත්ම ගෞරවය හා අභිමානය රැක දීම පිණිස හා ව්‍යවස්ථාදායක සභාවේ ආරම්භයේ සිට වර්තමානය දක්වා පත්වීම් අනුමත කළ ගරු අග්‍ර විනිශ්චයකාරවරුන් ගරු ශ්‍රේෂ්ඨාධිකරණ විනිශ්චයකාරවරුන් හා ගරු අභියාචනා විනිශ්චයකාරවරුන්ගේ ගෞරවයද රැක දීම ව්‍යවස්ථාදායක සභාවේ යුතුකමක් ලෙස සලකන බැවිනි.
මවිසින් අතිගරු ජනාධිපතිතුමා වෙත යැවූ 02.01.2019 දින ලිපියේ අප සුදුස්සන් තෝරාගැනීමේදී අනුගමනය කෙරෙන ක්‍රමවේදය පැහැදිලි කර ඇත. එතුමා විසින් ඊයේ පාර්ලිමේන්තුවේදී කළ කථාවේදී ‘ජ්‍යෙෂ්ඨත්වය කිසිසේත් සලකන්නේ නැත’ යනුවෙන් ව්‍යවස්ථාදායක මණ්ඩලය සඳහන් කර ඇති බව වැරදි ප්‍රකාශයකි.
අප සඳහන් කළේ ජ්‍යෙෂ්ඨත්වය පමණක්ම එකම මිනුම්දණ්ඩක් වශයෙන් අනුගමනය නොකරන බවයි.
මෙම ගරු සභාවට දැන්විය යුත්තේ අප අනුමත කළ සෑම නමක්ම අතිගරු ජනාධිපතිතුමන් විසින් නිර්දේශිත ලැයිස්තුවල ඇතුලත් නම් පමණක් බවත් ව්‍යවස්ථාදායක මණ්ඩලය මගින් හිතූමතයේ හෝ පිටස්තරව කිසිම නමක් නිර්දේශ නොකල බවත්ය. එසේ හෙයින් එතුමන් විසින් එවන ලද නම්වලින් සුදුසු නම් තෝරාගැනීමේදී කිසිම අකටයුත්තක් අසාධාරණයක් සිදු නොවූ බවද සඳහන් කරමි. මෙහි වරදක්ද අපට නොපෙනේ.
අතිගරු ජනාධිපතිතුමන් විසින් ව්‍යවස්ථාදායක සභාව නම් 12 ක් ප්‍රතික්ෂේප කළ බව සඳහන් කළද එය ද වැරදි ප්‍රකාශයකි.
එක් ඇබෑර්තුවක් සඳහා නම් 3 - හෝ 4 ක් එවූ විට අප තෝරා ගත්තේ එක් නමක් පමණි. එවැනි අවස්ථා ප්‍රතික්ෂේප කිරීම් වශයෙන් හැඳින්වීම ව්‍යවස්ථාදායක සභාවට කෙරෙන අසාධාරණයකි.
ජ්‍යෙෂ්ඨත්වය පමණක්ම උපයෝගී කරගන්නේ නම් ව්‍යවස්ථා මණ්ඩලයක් අවශ්‍ය නොවේ. අතිගරු ජනාධිපතිතුමන් විසින්ද එසේ කළ අවස්ථා ඇත. ඒවා එකින් එක සඳහන් කරමින් වාද විවාද කිරීමට අප අදහස් නොකරමු. 19 වැනි ව්‍යවස්ථාව ප්‍රකාරව බලපෑම් වලින් තොරව සුදුස්සන් තෝරාගැනීම අපගේ කාර්යභාරය වේ. එය මැනවින් ඉටු කළ බව අපගේ විශ්වාසයයි. අප කලින් සඳහන් කළ ආකාරයට මණ්ඩලය තුළ පිලිගත් දේශපාලන පක්ෂ නියෝජනය වේ. එක් පාර්ශ්වයකට බහුතරයක් නැත. නම් අනුමත කිරීමේදීද කිසිම අවස්ථාවක බලපෑම් ඇති වී නොමැත. ස්වාධීනව තම අභිමතය ප්‍රකාශ කිරීමට සාමාජිකයින්ට අවස්ථාව ඇත. ව්‍යවස්ථා සභාව පිහිටවූ දා සිට වර්තමානය දක්වා අප ගත් සෑම තීරණයක්ම අවසානයේදී එකඟත්වයෙන් ගත් තීරණ බව හිටපු හා වර්තමාන සාමාජිකයිනට ගරු කිරීමක් වශයෙන් සඳහන් කරමි. මෙතෙක් එතුමා විසින් එවූ නම් කිහිපයක් හැර බහුතරයක් අනුමත කර ඇත. අදාල පාර්ශ්ව සමග අපි ලිපි ගනුදෙනු කරන්නේ නැත. ප්‍රාථමික, මහේස්ත්‍රාත් හා දිසා අධිකරණ පත්වීම් ගැනද ව්‍යවස්ථාදායක සභාවට චෝදනා කර ඇත. එම පත්වීම් කිරීමේදී අපගේ අධීක්ෂණයට ලක්වන්නේ ශ්‍රේෂ්ඨාධිකරණයේ හා අභියාචනා අධිකරණය පත්වීම් පමණි. එයට වගකිව යුතු වන්නේ අධිකරණ සේවා කොමිෂන් සභාව ය. එහෙයින් එම චෝදනාවන යුක්ති සහගත නොවේ.
අල්ලස් කොමිසම ඉදිරියේ හෝ වෙනත් චෝදනාවලට ලක්වූ තැනැත්තන් හා එසේත් නැතිනම් ගරු අග්‍ර විනිශ්චයකාරතුමන්ගේද නිර්දේශ නුසුදුසු වූ විට එම පත්වීම් අනුමත නොකලෙමු.
එමෙන්ම ව්‍යවස්ථාදායක සභාවෙන් ඇති කළ ස්වාධීන කොමිෂන් සභා නිසා අද අප රටට විශාල ගරුත්වයක් ලැබී ඇත. අපගේ උත්තරීතර අධිකරණය ලෝක ප්‍රශංසාවට ලක්ව ඇත. ශ්‍රී ලංකා මානව හිමිකම් කොමිසම ලෝකයේ විශිෂ්ඨ ගනයේ ස්වාධීන කොමිසමක් වශයෙන් එක්සත් ජාතීන්ගේ සංවිධානයේ ඇගයීමට ලක්ව ඇත. තොරතුරු දැනගැනීමේ පනත අග්‍ර ගනයේ පනතක් වශයෙන් ලෝක ප්‍රජාව පිලිගෙන ඇත.
මාර්තු මස ජිනීවාහි පැවැත්වෙන මානව හිමිකම් සමුලුවේදී අප රටට ඉදිරිපත් කරන චෝදනාවලට ඉහත සඳහන් ක්ෂේත්‍රයන්හි අප ලබා ඇති ප්‍රගතිය ශ්‍රී ලංකාවට ශක්තියක් වන බව දැනටම ප්‍රකාශ වී ඇත.
අවස්ථා කිහිපයකදීම මෙම කරුණු ගැන පැහැදිලි කිරීමක් අවශ්‍ය නම් අතිගරු ජනාධිපතිතුමා හමුවී ඒ ගැන සාකච්ඡා කිරීමට ඉතා කැමැත්තෙන් සිටින බව බොහෝ අවස්ථාවලදී අප විසින් ප්‍රකාශ කර ඇත. එසේ නොමැතිව ස්වාධීන ආයතන දැඩි ලෙස විවේචනයට ලක් කිරීම දීර්ඝකාලීනව රටට කරන හානියක් බව ගෞරවයෙන් පෙන්වාදීමට කැමැත්තෙමු.
මානව හිමිකම් කොමිෂන් සභාවේ ක්‍රියාදාමයද ඊයේ විවේචනයට භාජනය විය. ඒ ගැන රටට කරුණු පැහැදිලි කරන ලෙස අප විසින් කොමිසමට උපදෙස් දී ඇත.
කෙසේ හෝ අතිගරු ජනාධිපතිතුමන් විසින් සඳහන් කළ කරුණු දෙකක් ගැන එහි සාමාජිකයන්ට ගරු කිරීමක් වශයෙන් පැහැදිලි කිරීම ව්‍යවස්ථාදායක මණ්ඩලයේ යුතුකමක් ලෙස දකිමු.
අගුණකොළපැලැස්ස බන්ධනාගාරයට STF භටයන් යැවීම ගැන විධිමත් වාර්තාවන් ඉල්ලා සිටියේ ඒ ගැන විවිධ පාර්ශ්ව කරුණු ඉදිරිපත් කළ නිසා බවත්, ඒ දුන් කරුණු අනුව එම ක්‍රියාදාමයේදී කිසිම විරෝධතාවන් පළ නොකළ බවත් අපට එම කොමිසම මගින් දැනුම් දී ඇත. ඒ අය අනුගමනය කළේ පවතින ක්‍රමවේදය කරුණු පැහැදිලි කරගැනීමක් පමණි.
මාලි රාජ්‍යයට යැවූ සොල්දාදුවන් ආපසු කැඳවීම ප්‍රමාදවූයේ එක්සත් ජාතීන්ගේ සංවිධානය / ත්‍රිවිධ හමුදාව / විදේශ අමාත්‍යාංශය හා මානව හිමිකම් කොමිසම ඇතුලු සියලුම පාර්ශ්වයන් එකඟත්වයෙන් ගත් තීරණයක් අනුවය.
දැනට ලෝකයේම සාම සාධක කටයුතු සඳහා නිලධාරින් තේරීම් වගකීම පැවරී ඇති එකම ආයතනය ලංකාවේ මානව හිමිකම් කොමිෂන් සභාව පමණක් බව ලංකාවේ එක්සත් ජාතින්ගේ සංවිධානයේ නියෝජිතවරිය අපට දැනුම් දී ඇත.
එමගින්ම ජාත්‍යන්තරය විසින් අප මානව හිමිකම් කොමිෂන් සභාව කෙරෙහි ඇති විශ්වාසය තහවුරු වේ.
එහෙයින් විවේචන හා චෝදනා සාධාරණ වීම වැදගත්ය.
2019 පෙබරවාරි 07
සබැඳි පුවත්
* ජනාධිපති සිරිසේනට අවශ්‍ය දූෂිතයන්ම පත් කරන තුරු අභියාචනාධිකරණය දින 5 ක් පුරා අකර්මන්‍යයි..! ජනාධිපති අගවිනිසුරුව බ්ලැක්මේල් කරන්න යයි..!!
* අභියාචනාධිකරණයට දින 2 ක් සභාපති කෙනෙක් නෑ..! සිරිසේන සිතා මතා අධිකරණය බිඳවට්ටන්න කරන කුමන්ත්‍රණ මෙන්න.!!
* ජනතාද්‍රෝහී ජනාධිපති නම් කළ දූෂිත විනිසුරු බඩු දෙක විසිවේ..! තුරෙයිරාජා සහ අමරසේකර ශ්‍රේෂ්ඨාධිකරණයට..! ප්‍රීති පද්මන්ට බයද? ව්‍යවස්ථා සභාවට ආචාරය..!!
* ගරුත්වය සුනඛ අධෝ මුඛයේ උලා ගත් විනිසුරුවරියන් ඩබලක් යහපාලනද්‍රෝහී ජනාධිපති විසින් ශ්‍රේෂ්ඨාධිකරණයට හා අභියාචනාධිකරණයට නම් කරලා
---------------------------
by (2019-02-08 14:20:42)
Read 26514 Times
Leave a Reply
0 discussion on this news
අජිත් ගලප්පත්තිගේ සිනමා විචාර එකතුව
අතීතයෙන් පාඩමක් - විශේෂඥ වෛද්‍ය අජිත් අමරසිංහ ලිපි